Pencemaran Di Mana-Mana

Tema:pencemaran

Pikiran lulugu:

1. Pencemaran udara

2. Pencemaran taneuh

3. Pencemaran cai

4. Polusi cahaya

5. Cara ngurangan pencemaran

Pencemaran Di Mana-Mana

Isuk-isuk urang olahraga, ngahirup udara seger. Ujug-ujug aya motor anu ngalewat, sora knalpotna mani ngageber jeung haseupna hideung jeu bau pisan. Tah eta the salah sahiji contoh ti pencemaran udara. Pencemaran udara nya eta paristiwa asupna zat asing ka lingkungan udara. Pastina pencemaran udara loba panyebabna, di antarana:haseup jeung debu. Dampak tina pencemaran udara teh aya sababaraha contohna hujan haseum. Hujan ieu disebabkeun ku belerang anu bereaksi jeung cai hujan di atmosfer. Reaksi ieu nimbulkeun cai hujan anu sifatna haseum jeung ngaruksak. Lamun aya hujan haseum, tutuwuhan, gedung, jeung beusi bisa raruksak.

Salian ti eta, aya oge pencemaran taneuh. Pencemaran taneuh biasana disebabkeun ku cai atawa larutan berbahaya anu dipiceun ka taneuh. Contohna wae lamun runtah ditumpuk tuluy nepi ngagunung di hiji tempat, runtah eta teh ngahasilkeun cairan. Cairan eta teh sifatna haseum, lamun cairan ieu ngarembes ka taneuh, taneuh bisa ruksak jeung tercemar. Kitu deui jeung limbah detergen. Alusna mah limbah detergen teh tong dibuang ka taneuh, tapi dibuang ka saluran cai anu ditampung heula di septic tank.

Lamun aya pencemaran taneuh jeung udara, aya oge pencemaran cai. Pencemaran cai ayeuna teh loba pisan. Cik tingalian kali atawa got di sisi jalan. Kumaha tah kondisina? Umumna kondisi eta got atawa selokan teh loba pisan runtahna jeung warna caina teu herang. Kondisi ieu disebut pencemaran cai. Pencemaran cai teh bisa ngakibatkeun mahluk hirup anu aya di cai paeh sabab bahan pencemarna(runtah) teh ngabogaan sifat toksik (beracun). Biasana mah di selokan atawa got euweuh laukna.

Cahaya nu loba teuing oge bisa disebut polusi, lantaran bisa ngarugikeun urang. Polusi cahaya disebabkeun ku lobana cahaya anu dihasilkeun ti bumi. Polusi ieu bisa ngakibatkeun panaliti (astrnom) hese ningali bintang atawa objek di luar angkasa lewat teleskop. Contohna wae di Lembang. Ayeuna Lembang teh geus kena polusi cahaya, hal ieu disebutkeun ku salah sahiji pangurus observatorium Boscha.

Kusabab geus loba pisan karusakan anu disebabkeun ku pencemaran di dunya ieu, kuduna mah urang tetep ngajaga dunya ieu ambeh teu ruksak. Carana, urang kudu ngajaga kebersihan, nyaah ka lingkungan, jeung ngarasa yen lingkungan teh hiji bagian tina hirup urang.

Sumber: http://id.wikipedia.org/wiki/Pencemaran